我喜歡跑步。
還記得小時候，家住的公屋跟街市有一段約六、七分鐘的距離，每次阿娘買漏野，小弟就要出動趕往街市補貨。一來一回，大概一公里左右吧，日子有功，到初中時既長跑課，都能夠名列前矛，跟住仲入埋校隊。當初入校隊，鬼火咁興奮，諗住今次仲唔出人頭地！點知，無論你係籃球、足球、排球、手球、甚至乎係短跑既校隊隊員，大家都覺得你係運動健將，受萬人景仰。唯獨係長跑運動員，就仲係差啲咁，唔係話你悶就係個人古怪，出校外攞到奬返黎都無人理。久而久之，自己都開始覺得跑步無意思。
人生匆匆，畢業後都十幾年，玩過很多其他運動，兜兜轉轉，最近一兩年又跑返步，仲會報下唔同地方既馬拉松玩下。年紀越大，就越發覺跑步好處多。
一．受傷機會比其他運動相對低。
二．經濟實惠！有對鞋就得。唔出國跑，香港本地都有大把比賽玩。
三．唔駛約人都跑得，人到中年，個個有家有室，你懂的。
四．效率高。跑一個鐘，運動量都已經可以好夠。
五．諗到再寫
睇下過多幾年，究竟會唔會有其他既諗法，定係會一路跑，跑到世界各地都有我既腳毛！
